KAPITULLI 5

1 Prandaj qëndroni fort në lirinë me të cilën Krishti na ka bërë të lirë, dhe mos jini të lidhur përsëri me zgjedhën e skllavërisë.
 
2 Ja, unë Pali ju them juve, se nëse ju rrethpriteni, Krishti nuk do t’ju sjellë asnjë dobi.
 
3 Sepse unë përsëri i dëshmoj çdo njeriu që është rrethprerë, se ai është borxhli të zbatojë të gjithë ligjin.
 
4 Krishti është bërë pa efekt mbi ju, kushdo prej jush që shfajësoheni prej ligjit; keni rënë prej hirit.
 
5 Sepse ne përmes Frymës presim për shpresën e drejtësisë prej besimit.
 
6 Sepse në Jezu Krishtin as rrethprerja nuk ka ndonjë vlerë, as jorrethprerja; por besimi që vepron prej dashurisë.
 
7 Ju vrapuat mirë; kush ju pengoi që të mos i bindeni të vërtetës?
 
8 Kjo bindje nuk vjen prej atij që ju thërret juve.
 
9 Pak maja nxit mbrujtjen e të tërë copës.
 
10 Unë kam besim te ju përmes Zotit, që ju nuk do të keni ndonjë mendje tjetër; por ai që ju shqetëson do të mbajë dënimin e vet, kushdo qoftë ai.
 
11 Dhe unë, vëllezër, nëse ende predikoj rrethprerjen, përse akoma vuaj persekutimin? Atëherë ka mbaruar skandali i kryqit.
 
12 Unë do të dëshiroja që ata që ju shqetësojnë të shkëputeshin.
 
13 Sepse, vëllezër, ju jeni thirrur në liri; vetëm mos e përdorni lirinë për një rast të mishit, por me dashuri i shërbeni njëri-tjetrit.
 
14 Sepse i gjithë ligji është përmbushur në një fjalë, madje në këtë: Ta duash fqinjin tënd si veten tënde.
 
15 Por nëse ju kafshoni dhe gllabëroni njëri-tjetrin, kujdesuni që të mos shkatërroheni nga njëri-tjetri.
 
16 Këtë e them pra: Ecni në Frymë, dhe ju nuk do të përmbushni epshet e mishit.
 
17 Sepse mishi të dëshiron kundër Frymës, dhe Fryma kundër mishit; dhe këto janë kundër njëra-tjetrës; saqë nuk mund t’i bëni gjërat që doni.
 
18 Por nëse jeni të udhëhequr prej Frymës, ju nuk jeni nën ligjin.
 
19 Tani, veprat e mishit janë të shfaqura, që janë këto: Kurorëshkelja, kurvërimi, papastërtia, shthurja,
 
20 Idhujtaria, magjia, urrejtja, grindja, garat, zemërimi, mospajtimet, përçarjet, herezitë,
 
21 Smirat, vrasjet, të dehurit, ahengjet, dhe gjëra të tilla; për të cilat ju fola më parë, siç ju kam thënë edhe në të kaluarën, që ata që bëjnë gjëra të tilla nuk do ta trashëgojnë mbretërinë e Perëndisë.
 
22 Por fruti i Frymës është dashuria, gëzimi, paqja, durimi, mirësjellja, mirësia, besimi,
 
23 Butësia, vetëpërmbajtja; kundër këtyre nuk ka ligj.
 
24 Dhe ata që janë të Krishtit e kanë kryqëzuar mishin bashkë me pasionet dhe epshet.
 
25 Nëse ne jetojmë në Frymë, le të ecim në Frymë gjithashtu.
 
26 Le të mos jemi dëshirues për lavdinë e kotë, duke provokuar njëri-tjetrin, dhe duke patur zili për njëri-tjetrin.

KLIKONI KËTU NËSE DONI TË KTHEHENI TE FAQJA E PËRBAJTJES SË BIBLËS