Efesianëve 4:32

“Dhe jini zemërgjerë njëri ndaj tjetrit, zemërbutë, duke e falur njëri-tjetrin, madje ashtu si Perëndia për hir të Krishtit ju ka falur juve.”
Efesianëve 4:32

     Ky, me të vërtetë, është një varg shumë i bukur dhe i ëmbël. Ne kemi një porosi nga Perëndia të jemi zemërgjerë dhe zemerbutë ndaj njëri-tjetrit. Pse? Sepse kështu sillet edhe Zoti ndaj nesh. Ai na shikon si fëmijët e Tij të dashur dhe ka provuar se është gati për të bërë çdo gjë për të mirën tonë. Ai tha gjithashtu që ne duhet ta falim njëri-tjetrin. Kjo do thotë që do të kemi nevojë për falje; domethënë ne do të bëjmë gabime. Ne, pa dashje dhe pa ditur, do të ofendojmë njëri-tjetrin, edhe në kishë, por kur të ndodhë kjo gjë, le të mos harrojmë se si në të kaluarën ne ofenduam Perëndinë. Çfarë na bëri Ai? Ai me qëllim nuk e vë re shkeljen tonë, por dërgoi Birin e Tij të dashur për të krijuar një rrugë pajtimi për ne. Çfarë Atë i dashur dhe Mik besnik! Le të mos harrojmë që atë Ati ynë qiellor e ka bërë për ne, është bërë për hir të Krishtit. Domethënë, kjo marrëdhenie që kemi me Perëndinë është për shkak të Jezusit. Ai është Rruga jonë për tek Ati. Ne jemi të shpëtuar, jo prej veprave të mira që kemi bërë, por për shkak se kemi pranuar Jezusin në shpirtin tonë prej besmit. Amin!