1 Tani, në lidhje me mbledhjen e ndihmave për shenjtorët, ashtu siç kam urdhëruar kishat e Galatisë, ashtu bëni edhe ju.
2 Ditën e parë të javës le të vërë mënjanë në rezervë secili prej jush, ashtu si Perëndia e ka begatuar atë, që të mos ketë mbledhje ndihmash kur të vij unë.
3 Dhe kur të vij unë, ata që do t’i miratoni me letrat tuaja, unë do t’i dërgoj ta çojnë dhuratën tuaj në Jerusalem.
4 Dhe po të jetë e përshtatshme që të shkoj edhe unë, ata do të shkojnë me mua.
5 Tani, unë do të vij te ju, kur të kaloj përmes Maqedonisë; sepse përmes Maqedonisë kaloj.
6 Dhe mund të ndodhë që unë të qëndroj, po, dhe të dimëroj me ju, që të mund të më përcillni në udhëtimin tim ngado që të shkoj.
7 Sepse nuk do t’ju shoh tani në rrugë; por besoj të rri ca kohë me ju, në dashtë Zoti.
8 Por do të rri në Efes deri në Pentikost.
9 Sepse një derë e madhe dhe e frytshme më është hapur, dhe ka shumë kundërshtarë.
10 Tani, nëse vjen Timoteu, kujdesuni që ai të jetë me ju pa frikë; sepse ai bën punën e Zotit, ashtu si bëj edhe unë.
11 Prandaj le të mos e përçmojë atë ndokush; por e përcillni në paqe, që ai të mund të vijë tek unë; sepse e pres bashkë me vëllezërit.
12 Përsa i përket vëllait tonë Apollos, unë iu luta shumë që të vijë te ju me vëllezërit; por vullneti i tij nuk ishte aspak të vijë në këtë kohë; por ai do të vijë kur të ketë kohën e përshtatshme.
13 Ruhuni, qëndroni të palëkundshëm në besim, bëhuni burra, jini të fortë.
14 Të gjitha gjërat tuaja le të bëhen me dashuri.
15 Unë ju lutem, vëllezër, (ju e dini shtëpinë e Stefanasit, që është fruta e parë e Akaisë, dhe që ia kanë kushtuar veten e tyre shërbesës së shenjtorëve,)
16 Që edhe ju t’u nënshtroheni të tillëve, dhe cilitdo që bashkëpunon me ne, dhe mundohet.
17 Unë jam i gëzuar për ardhjen e Stefanasit, Fortunatit dhe Akaikut; sepse ajo që mungonte nga pjesa juaj ata e kanë mbushur.
18 Sepse kanë qetësuar shpirtin tim dhe tuajin; prandaj nderojini ata që janë të tillë.
19 Kishat e Azisë ju përshëndesin. Akuila dhe Prisila ju përshëndesin shumë në Zotin, bashkë me kishën që është në shtëpinë e tyre.
20 Të gjithë vëllezërit ju përshëndesin. Përshëndetni njëri-tjetrin me një puthje të shenjtë.
21 Përshëndetja nga unë Pali me dorën time.
22 Nëse ndokush nuk e do Jezu Krishtin, qoftë Anatema Maranatha.
23 Hiri i Zotit tonë Jezu Krisht qoftë me ju.
24 Dashuria ime qoftë me ju të gjithë në Krishtin Jezus. Amin.
(Letra e parë për korintasit ishte shkruar në Filipi prej Stefanasit dhe Fortunatit dhe Akaikut dhe Timoteut.)