1 Tani, pasi Jezusi lindi në Bethlehemin e Judeas në ditët e mbretit Herod, ja, erdhën burra të mençur nga lindja në Jerusalem,
2 Duke thënë: Ku është ai që lindi Mbret i judejve? Sepse ne e kemi parë yllin e tij në lindje, dhe erdhëm për ta adhuruar.
3 Kur mbreti Herod i dëgjoi këto gjëra, ai u shqetësua, dhe gjithë Jerusalemi bashkë me të.
4 Dhe pasi ai i mblodhi bashkë të gjithë krerët e priftërinjve dhe skribët e popullit, ai u kërkoi atyre ku do të lindte Krishti.
5 Dhe ata i thanë: Në Bethlehemin e Judeas; sepse kështu është shkruar nga profeti:
6 Dhe ti Bethlehem, në tokën e Judës, nuk je më i vogli midis princërve të Judës; sepse nga ti do të dalë një Qeveritar, i cili do të drejtojë popullin tim, Izraelin.
7 Atëherë Herodi, pasi i thirri fshehurazi burrat e mençur, u kërkoi atyre hollësisht për kohën që u shfaq ylli.
8 Dhe ai i dërgoi ata në Bethlehem, dhe tha: Shkoni kërkoni me kujdes për fëmijën e vogël; dhe pasi ta keni gjetur, përsëri më lajmëroni, që edhe unë të vij e ta adhuroj atë.
9 Pasi e dëgjuan mbretin, ata u larguan; dhe, ja, ylli, që panë në lindje, shkonte para tyre, derisa erdhi dhe qëndroi mbi vendin ku ishte fëmija e vogël.
10 Kur e panë yllin, ata u gëzuan me gëzim tepër të madh.
11 Dhe pasi erdhën në shtëpi, ata panë fëmijën e vogël me Marinë, nënën e tij, dhe ranë përmbys, dhe e adhuruan atë; dhe pasi hapën thesaret e tyre, ata i dorëzuan atij dhurata; ar, dhe temjan, dhe mirrë.
12 Dhe duke qenë të paralajmëruar në ëndërr prej Perëndisë që të mos ktheheshin te Herodi, ata u larguan në vendin e tyre nga një rrugë tjetër.
13 Dhe pasi ishin larguar, ja, engjëlli i Zotit iu shfaq Jozefit në ëndërr duke thënë: Çohu, merre fëmijën e vogël dhe nënën e tij, dhe mbathja në Egjipt, dhe qëndro atje deri kur të të lajmëroj unë; sepse Herodi do ta kërkojë fëmijën e vogël për ta asgjësuar.
14 Pasi u ngrit, ai mori fëmijën e vogël dhe nënën e tij natën, dhe iku në Egjipt;
15 Dhe ishte atje deri në vdekjen e Herodit; që të mund të përmbushej çfarë u tha prej Zotit me anë të profetit, duke thënë: Nga Egjipti e thirra birin tim.
16 Atëherë Herodi, pasi pa se ishte tallur prej burrave të mençur, u inatos shumë, dhe dërgoi, dhe vrau të gjithë fëmijët që ishin në Bethlehem, dhe në të gjitha kufijtë e tij, nga dy vjeç e poshtë, sipas kohës që kishte kërkuar hollësisht prej burrave të mençur.
17 Atëherë u përmbush ajo që u tha prej profetit Jeremias, duke thënë:
18 Në Rama u dëgjua një zë, klithmë, dhe vajtim, dhe hidhërim i madh, Rakela duke vajtuar për fëmijët e saj, dhe nuk do të ngushëllohej, sepse ata nuk janë më.
19 Por pasi vdiq Herodi, ja, një engjëll i Zotit iu shfaq në ëndërr Jozefit në Egjipt,
20 Duke thënë: Çohu, dhe merre fëmijën e vogël dhe nënën e tij, dhe shko në tokën e Izraelit; sepse vdiqën ata që kërkonin jetën e fëmijës së vogël.
21 Dhe ai u ngrit, mori fëmijën e vogël dhe nënën e tij, dhe erdhi në tokën e Izraelit.
22 Por kur ai dëgjoi se Arkelausi mbretëronte në Judea në vend të babait të tij Herodit, ai u tremb të shkonte atje; prapëseprapë, duke qenë i paralajmëruar në ëndërr prej Perëndisë, ai iku mënjanë në anët e Galilesë;
23 Dhe ai erdhi dhe banoi në një qytet të quajtur Nazaret; që të mund të përmbushej çfarë ishte thënë nga profetët: Ai do të quhet nazarenas.