1 Timoteut 1:2

“Timoteut, birit tim në besim: Hiri, mëshira, dhe paqja, prej Perëndisë Atit tonë dhe Jezu Krishtit Zotit tonë.”
- 1 Timoteut 1:2

​     Apostulli Pal ishte një njeri shumë i zgjuar, shumë besimtar, shumë i zënë në punën e Krishtit. Ai kishte një zemër dhe një vizion të madh për Zotin. Vargu i mësipërm është nga letra e Palit për Timoteun. Shikoni se sa ëmbël flet Apostulli me Timoteun. Ai e quajti atë biri i tij në besim. Kjo na e tregon marrëdhënien e mirë midis këtyre. Ky është për ne një mesazh i mirë, sepse nganjëherë njeriu humbet në punë, dhe nuk vlerëson ndonjë gjë dhe ndonjë njeri. Pali kishte një lidhje të ngrohtë me Timoteun, edhe pse Timoteu nuk ishte i familjes së tij. Ai ishte biri i Palit në besim. Mesazhi për sot është ky: Po! Jeta është e vështirë; puna, e lodhshme; shkolla, një barrë e rëndë; por ne duhet të mos t’i humbasim thesaret e jetës, që janë: njerëzit. Nëse Jezusi na vlerësoi kaq shumë sa që Ai e dha jetën për të na shpëtuar, edhe ne duhet të mbajmë të çmuar çdo njeri në botë. Ne duhet jo vetëm t’i vlerësojmë ata, por edhe të investojmë tek ata. Të investojmë si Pali që shkruante dy letra të mëdha për birin e tij në besim, sepse ai donte që Timoteu të vazhdonte në rrugët e Perëndisë, dhe të ishte i suksesshëm në punën e tij. Midis punëve, problemeve dhe aktiviteteve të jetës, le të mos harrojmë njëri-tjetrin, le të mos humbasim asnjë. Amin!