2 Timoteut 2:24

“Dhe shërbëtori i Zotit nuk duhet të grindet; por të jetë i dashur me të gjithë njerëzit, i gatshëm për të dhënë mësim, i durueshëm…”
- 2 Timoteut 2:24

     Apostulli Pal ishte në burg. Puna e tij për Perëndinë u krye. E mbaroi garën e tij. Ai luftoi mirë për hatrin e Ungjillit të Jezusit. Kur e lexojmë letrën e dytë të Palit për Timoteun, ne duhet të kuptojmë që këto janë fjalët e tij të fundit. Patjetër në këto shkrime ne shikojmë një besim të fortë te Perëndia. Ne kuptojmë që ai e donte shumë Jezusin. Ai donte që edhe Timoteu të jetë besnik ndaj Zotit. Gjithashtu, në këto shkrime, Pali tha që shumë e braktisën atë. Aleksandri e keqtrajtoi Palin. Demasi iku nga Pali për të shkuar në Selanik, sepse e donte botën më shumë se Jezusin. Disa kundërshtuan mësimet e Palit, disa i mësuan midis besimtarëve mësimet e rreme. Pali duhet të ishte shumë i inatosur. Ndoshta ishte kështu. Patjetër, bariu inatoset kur ujku hyn në tufën e tij. Pali prapë nuk e teproi në këtë gjë. Ai ishte i durueshëm. Edhe meqë shumë u larguan prej tij, ai i shkroi këto fjalë të bukura: “…shërbëtori i Zotit nuk duhet të grindet; por të jetë i dashur me të gjithë njerëzit, i gatshëm për të dhënë mësim, i durueshëm…”. Me të vërtetë, Pali ishte një guximtar për Zotin, por prapë, si Jezusi, ai ishte zemërbutë edhe ndaj atyre që e ketrajtuan. Te 2 Timoteut 4:16, Pali tha: “Në përgjigjen time të parë nuk qëndroi njeri me mua, por të gjithë më braktisën; unë i lutem Perëndisë që ai t’i mos fajësojë ata.” Kjo tingëllon si lutja e Jezusit në kryq: “Atë, fali ata sepse nuk e dinë se ç’bëjnë.” Amin!