Në fillim Zoti krijoi Adamin dhe Evën. Plani i Zotit për martesë është një burrë dhe një grua për gjithë jetën. Nuk është një gjë e lehtë që mëkatet si kurvërimi dhe kurorëshkelja janë në kreun e listës të shtatëmbëdhjetë vepra mëkatare. Zoti e di shumë mirë se kush jemi ne, edhe dëshirat që kemi ne. Jetët dhe ëndërrat e shumë fëmijëve janë të prishura për shkak të një burri të moshuar që nuk mbante nën kontroll epshet e tij. Kjo gjë ndodh në shtëpi, në shkollë, në kishë, në rrugë, në plazh, kudo. Kujdes për fëmijët! Familja prishet kur gruaja e martuar fillon të dëgjojë me kënaqësi komplimente të burrave të ndryshëm, zemra e saj tërhiqet nga ato fjalë të bukura, por ajo nuk kupton se është kurthi i djallit. Shumë djem të rinj që rriten në këtë botë me teknologji luftojnë me gjërat që mund gjenden në internet. Edhe pornografia është mëkat! Në lidhje me listën e mëkateve që gjendet te Romakëve 1, Pali tha: “…ata që kryejnë gjëra të tilla e meritojnë vdekjen, jo vetëm bëjnë të njëjtën, por kanë kënaqësi për ata që i bëjnë ato.” Ne shikojmë që mëkati shfaqet jo vetëm tek ata që kryejnë këto vepra, por edhe tek ata që kanë kënaqësi në këto. Domethënë, ata që me kënaqësi shikojnë këto gjëra në telefon, kompjuter, ose televizor. Pornografia hyn në mendjen, zemrën dhe jetën në një rrugë e fshehtë, por mban hapur viktimat e saj nën një fuqi të pamëshirshme. Mos harroni! Perëndia shikon edhe ato gjëra që kryhen në fshehtësi. Pse i them gjithë këto gjëra? SEPSE NDODHIN ÇDO DITË! Ndodhin në familjen tuaj, kudo rreth nesh. Për këtë arsye bizneset përdorin gra të zhveshura për reklamat e tyre. Ata e dinë që ka diçka brenda njeriut që tërhiqet pas gjërave të tilla. KINI KUJDES NGA KËTA ARMIQ!

     Te kishat, kohët e fundit, ne kemi predikuar mbi temën e mishit dhe të Frymës. Fjala “mishi” në këtë rast do të thotë “trupi i vdekshëm” që ne kemi në këtë botë. Problemi është që brenda këtij trupi ekzistojnë dëshirat dhe epshet për gjërat mëkatare. Prandaj, ne të krishterë jemi në luftë kundër dëshirave të poshtra që ngrihen brenda nesh. Nëse do të luftojmë, është mirë të kuptojmë se kush është armiku, si duket ai dhe ku është ai. Ka disa vargje në Letrën e Palit për kishën e galatasve ku ai na tregon qartë dhe hapur disa nga armiqtë më të fuqishëm kundër të cilëve po qëndrojmë. Mos harroni që këto gjëra luftojnë kundër Frymës së Perëndisë që të na sjellin nën fuqinë e tyre. Vargu i mësipërm thotë: “Tani veprat e mishit janë të shfaqura, që janë këto…”. Pali vazhdon të përmendë shtatëmbëdhjetë nga armiqtë kryesore që kemi. Sot, shpejt, do flasim për dy të parat. Në fillimin e listës ne shikojmë kurorëshkeljen dhe kurvërimin. Një mesazh i qartë nga Bibla është që marrëdhëniet seksuale nuk lejohen përveç midis një burri dhe një gruaje që janë nën besëlidhjen e martesës. Çdo gjë tjetër është mëkat! Mos u mashtroni me kulturën dhe zakonet e kësaj bote të prishur. Për arsye të mëkateve të tilla sëmundjet që transmetohen seksualisht janë shumë. Nuk ishte plani i Zotit që njerëzit të kenë partnerë të shumëfishtë. Ne do të vazhdojmë dhe nesër me këtë temë.