Psalmi 119:34

Mos i shërbeni Perëndisë me gjysmë zemre #3

“Më jep mençuri dhe unë do ta ruaj ligjin tënd; po, unë do ta përmbush atë me gjithë zemër.”
-Psalmi 119:34

     Këtu, te vargu ynë për sot, ne shikojmë një lutje. Shkruesi po kërkon mençuri nga Perëndia. Zoti na jep mençuri përmes Frymës së Tij të Shenjtë. Te libri i Jobit, kapitulli 32, Bibla thotë: “Por te njeriu ka një frymë; dhe frymëzimi i Më të Lartit u jep atyre mençuri.” Ne mësojmë shumë nga prindërit, nga shokët dhe nga shkolla, por ka mençuri që Perëndai i jep besimtarit. Kur ne jemi të shpëtuar nga mëkati përmes të besuarit te Jezusi, Fryma e Perëndisë hyn brenda nesh dhe banon në ne; ne bëhemi një krijesë e re. Fryma e Shenjtë është Udhëheqësi ynë në gjithë të vërtetën. E Vërteta që ne kemi në epokën e kishës është Bibla jonë, dhe Fryma e Shenjtë do të na mësojë Fjalën e Perëndisë, dhe patjetër, nëse ne jemi nxënës të mirë, ne do të t’i bindemi Atij me gjithë zemër. Le të kërkojmë sot mençuri dhe urtësi nga Perëndia, dhe kur Ai na e tregon urtësinë e Tij nga Fjala e Tij, le t’i bindemi Atij me gjithë zemër, jo me gjysmë zemre. Ai na ka dhënë të gjitha bekimet shpirtërore në vendet qiellore në Krishtin. Pse t’i japim Atij vetëm gjysmën e zemrës sonë?