Fjalët e urta 14:7

“Largohu nga prania e një njeriu budalla kur ti e kupton që brenda tij nuk ka fjalë diturie.”
-Fjalët e urta 14:7

     Ne, si të krishterë, ndjejmë që ne duhet t’u tregojmë të gjithëve dashurinë e Krishtit. Ne duam të jemi zemërbutë, paqësorë dhe të dashur me të gjithë njerëzit. Këto janë qëllime shumë të mira! Ne duhet t’i bindemi urdhërimit të Perëndisë për t’i dashur fqinjët tanë ashtu si vetveten, por le të mos harrojmë vargje si ky, në Bibël. Nga ky varg, ne kuptojmë qartësisht që ka disa njerëz në botë prej të cilëve duhet të qëndrojmë larg. Qëndroni larg prej njerëzve budallenj. Qëndroni larg njerëzve me të cilët ju nuk mund të bëni një bisedë të arsyeshme. Qëndroni larg njerëzve që nuk i respektojnë besimet dhe synimet tuaja. Mos i bëni jobesimtarët miqtë tuaj të ngushtë, sepse ata do të ndikojnë në largimin tuaj nga marrëdhënia me Perëndinë. Unë nuk po them që ne duhet të jemi të pasinqertë me njerëzit, por prapseprapë ne duhet t’i shmangim ata që jetojnë sikur nuk ekziston Perëndia. Bibla thotë që frika ndaj Zotit është fillimi i mençurisë. Pra, nëse dikush nuk ka respekt të madh për Perëndinë, ata ende nuk kanë filluar kërkimin për dituri.