Proverbat 15:3

“Sytë e ZOTIT janë në çdo vend, duke vështruar të këqinj dhe të mirë.”
- Proverbat 15:3

​     Amin! Perëndia nuk është si ne. Ai është kudo kurdoherë. Ai është me mua tani. Ai është edhe me ju. Ai shikon çdo gjë që bëjmë. Kjo është një nga të vërtetat e mëdha të Perëndisë. Vetëm Ai mund të jetë në çdo vend kurdoherë. Kjo karaktaristikë e Zotit quhet gjithëprania. Ai është i gjithëpranishëm. Unë nuk mund kuptoj këtë fuqi të Perëndisë. Nganjëherë, unë e kam të vështirë ta përqendroj vëmendjen te vetëm një punë, por edhe pse janë mbi 7 miliardë njerëz në botë, prapë Perëndia shikon gjithçka. Ai bën llogari për çdo person, për veprat e tyre, për fjalët e tyre, për mendimet e tyre. As satanai nuk e ka këtë fuqi. Ai nuk është i gjithëpranishëm. Ai është i kufizuar, dhe mund të jetë vetëm një vend kurdoherë. Prandaj ai ka ata demonët që quhen engjëjt e rrëzuar. Ata janë kudo në botë, secili në një vend të kufizuar, duke i tunduar njerëzit. Megjithatë, unë e lavdëroj Zotin, sepse nuk ka një qenie tjetër si Ai. Ka vetëm një Zot; vetëm një Perëndi. Ai është i mirë, i drejtë, i  shenjtë, i dashur, i mëshirshëm. Unë jam i lumtur që ky Perëndi na shikon, dhe kujdeset për ne. Amin!