Psalmi 119:105

“Fjala jote është një llambë për këmbët e mia, dhe një dritë për udhën time.”
- Psalmi 119:105

     Ne e kemi Fjalën e Zotit! Ky është një fakt i bekuar dhe i frikshëm; i bekuar, sepse ne i kemi udhëzimet e Perëndisë për jetën tonë; i frikshëm, sepse në ditën kur do të qëndrojmë para Zotit në gjyq, ne nuk do të kemi asnjë justifikim përse nuk kemi zbatuar porositë e Tij. Ju që lexoni këtë sot, e keni në dorë Fjalën e Zotit. Ju lutem, mos e shmangi Atë, sepse në Fjalën e Tij ka dritë; shpëtim; shpresë; shërim; jetë të përjetshme; falje të mëkateve; udhëzime për jetë në botë; shembuj të njerëzve të mirë dhe të këqij; profeci për çfarë do të ndodhë në të ardhmen; historinë e plotë të Jezusit, Shpëtimtarin tonë të bekuar; dënim për të papenduarit; edhe shumë më shumë. Fjala e Tij ka qenë, me të vërtetë, një llambë për këmbët e mia në këtë botë ku duket që errësira, ligësia, korrupsioni, padrejtësia, tundimi dhe mëkati bashkë-sundojnë midis njerëzve. Si mund të gjejmë ne rrugën e duhur? Si mund të rrisim fëmijë të ndershëm? Si mund mbrojmë një sjellje morale në shoqëri? Në këtë botë ku dëgjojmë kaq shumë zëra që thonë se rruga e tyre është rruga e drejtë, kë do ta dëgjojmë? Le të vazhdojmë me Atë Fjalë që ka qëndruar fort gjatë epokave të historisë. Le të qëndrojmë me Biblën! Çdo njeri që beson, duhet të jetë edhe një studiues i Biblës.