Romakëve 5:10

PSE ËSHTË I RËNDËSISHËM MESAZHI I BIBLËS?

Përgjigjja e dytë, pjesa e tretë:

“Sepse nëse, kur ne ishim armiq, ne u pajtuam me Perëndinë prej vdekjes së Birit të tij, akoma më shumë, duke qenë të pajtuar, ne do të shpëtohemi prej jetës së tij.”
- Romakëve 5:10

     Më parë, ne mësuam që Perëndia i shpëton të dobëtit (ata që nuk kanë forcë për të shkuar tek Ai). Pastaj, ne mësuam që Perëndia i shpëton mëkatarët (ata që nuk e meritojnë Atë). Çfarë thotë vargu ynë për sot, Perëndia pajtohet me armiqtë e Tij? Pa dyshim, një armik është më shumë se një i huaj. Ne të gjithë kuptojmë që në një kohë ose në një tjetër të jetës sonë, idetë për Perëndinë ishin të huaja për ne. Ne ishim të huaj! Por këtu ne kuptojmë që ne ishim armiq. Ne ishim duke punuar kundër Tij dhe qëllimeve të Tij. Ne ishim duke sulmuar kryqin, Biblën, Frymën e Shenjtë, Hirin e Perëndisë dhe njerëzit e Perëndisë. Çfarë do t’u bënte Perëndia armiqve të Tij? Do t’i shkatërronte ata? Do t’i torturonte ata? Vargu ynë thotë që Ai i pajtoi ata me veten e Tij. Në ç’mënyrë? Përmes vdekjes së Birit të Tij, Jezusit. A mund ta imagjinoni këtë? Jezusi sakrifikoi jetën e Tij për t’i shpëtuar armiqtë e Tij nga vdekja dhe ferri. Ja pse mesazhi i Biblës është kaq i rëndësishëm, sepse ajo na jep neve këtë lajm të bekuar dhe të lavdishëm, që Perëndia erdhi në botë, u bë mish si ju dhe unë, Ai vuajti dhe vdiq te kryqi. Pse? Për të na shpëtuar ne, armiqtë e Tij. O çfarë Shpëtuesi!