1 Dhe ra një zi buke në vend, përveç zisë së parë të bukës që ishte në ditët e Abrahamit. Dhe Isaku shkoi tek Abimeleku mbreti i filistinëve në Gerar.
2 Dhe ZOTI iu shfaq atij, dhe tha: Mos zbrit në Egjipt; bano në tokën për të cilën unë do të të them;
3 Qëndro në këtë tokë, dhe unë do të jem me ty, dhe do të të bekoj ty; sepse ty, dhe farës sate, unë do t’jua jap gjithë këto vende, dhe unë do ta përmbush betimin që iu betova Abrahamit babait tënd;
4 Dhe unë do të bëj që fara jote të shumohet si yjet e qiellit, dhe do t’i jap farës sate gjithë këto vende; dhe në farën tënde do të bekohen gjithë kombet e tokës;
5 Për shkak se Abrahami iu bind zërit tim, dhe i ruajti porositë e mia, urdhërimet e mia, statutet e mia, dhe ligjet e mia.
6 Dhe Isaku banoi në Gerar;
7 Dhe burrat e vendit i bënin pyetje për gruan e tij; dhe ai thoshte: Ajo është motra ime; sepse kishte frikë të thoshte: Ajo është gruaja ime; që burrat e vendit të mos më vrasin mua për Rebekën, tha ai; sepse ajo ishte e bukur ta shihje.
8 Dhe ndodhi, pasi kishte qenë atje për një kohë të gjatë, që Abimeleku mbreti i filistinëve po vështronte nga një dritare, dhe pa, dhe, ja, Isaku po luante bashkë me Rebekën gruan e tij.
9 Dhe Abimeleku e thirri Isakun, dhe tha: Ja, ajo me siguri është gruaja jote; dhe si thoshje ti: Ajo është motra ime? Dhe Isaku i tha: Sepse unë thashë: Të mos vdes për shkak të saj.
10 Dhe Abimeleku tha: Ç’është kjo që na ke bërë neve? Një nga njerëzit lehtësisht mund të ishte shtrirë me gruan tënde, dhe ti do të kishe sjellë faj mbi ne.
11 Dhe Abimeleku i urdhëroi të gjithë njerëzit e tij, duke thënë: Ai që prek këtë njeri ose gruan e tij, me siguri do të dënohet me vdekje.
12 Atëherë Isaku mbolli në atë vend, dhe në të njëjtin vit mori njëqindfish; dhe ZOTI e bekoi atë.
13 Dhe ky njeri u zmadhua, dhe eci përpara, dhe u rrit derisa u bë shumë i madh;
14 Sepse ai kishte në zotërim tufa bagëtish të imta, dhe zotërim tufa bagëtish të trasha, dhe një numër të madh shërbëtorësh; dhe filistinët e kishin zili atë.
15 Sepse të gjitha puset që shërbëtorët e babait të tij kishin gërmuar në ditët e Abrahamit, babait të tij, filistinët i kishin mbyllur, dhe i kishin mbushur me dhe.
16 Dhe Abimeleku i tha Isakut: Largohu prej nesh; sepse ti je shumë më i fuqishëm se ne.
17 Dhe Isaku u largua prej andej, dhe e ngriti çadrën e tij në luginën e Gerarit, dhe banoi atje.
18 Dhe Isaku i gërmoi përsëri puset e ujit, që ata kishin gërmuar në ditët e Abrahamit, babait të tij; sepse filistinët i kishin mbyllur ata pas vdekjes së Abrahamit; dhe ai i quajti emrat e tyre sipas emrave që babai i tij i kishte quajtur.
19 Dhe shërbëtorët e Isakut gërmuan në luginë, dhe gjetën atje një pus me ujë që buron.
20 Dhe barinjtë e Gerarit u grindën me barinjtë e Isakut, duke thënë: Uji është yni; dhe ai e quajti emrin e pusit Esek; për shkak se u grindën me të.
21 Dhe ata gërmuan një pus tjetër, dhe gjithashtu u grindën për atë; dhe ai e quajti emrin e tij Sitnah.
22 Dhe ai u largua prej andej, dhe gërmoi një pus tjetër; dhe për atë ata nuk u grindën; dhe ai e quajti emrin e tij Rehoboth; dhe tha: Sepse tani ZOTI ka bërë vend për ne, dhe ne do të jemi të frytshëm në vend.
23 Dhe ai u ngjit prej andej në Beersheba.
24 Dhe po atë natë ZOTI iu shfaq atij, dhe tha: Unë jam Perëndia i Abrahamit, babait tënd; mos ki frikë sepse unë jam me ty, dhe do të të bekoj, dhe do ta shumoj farën tënde për hatër të Abrahamit, shërbëtorit tim.
25 Dhe ai ndërtoi një altar atje, dhe i thirri emrit të ZOTIT, dhe ngriti çadrën e tij atje; dhe atje shërbëtorët e Isakut gërmuan një pus.
26 Atëherë Abimeleku shkoi tek ai nga Gerari, dhe Ahuzathi një nga miqtë e tij, dhe Fikoli kryekomandanti i ushtrisë së tij.
27 Dhe Isaku u tha atyre: Pse vini tek unë, duke parë që ju më urreni, dhe më keni larguar prej jush?
28 Dhe ata thanë: Ne pamë me siguri që ZOTI ishte me ty; dhe thamë: Le të ketë tani një betim midis nesh, madje midis nesh dhe teje, dhe le të bëjmë një besëlidhje me ty;
29 Që ti të mos na bësh dëm neve, ashtu si ne nuk të kemi prekur ty, dhe ashtu si ne nuk të kemi bërë gjë veç të mirë, dhe të kemi larguar në paqe; ti je tani i bekuari i ZOTIT.
30 Dhe ai u bëri atyre një gosti, dhe ata hëngrën dhe pinë.
31 Dhe ata u ngritën shpejt në mëngjes, dhe iu betuan njëri-tjetrit; dhe Isaku i nisi ata, dhe ata u larguan prej tij në paqe.
32 Dhe ndodhi në të njëjtën ditë, që shërbëtorët e Isakut erdhën, dhe i treguan atij për pusin që kishin gërmuar, dhe i thanë: Ne kemi gjetur ujë.
33 Dhe ai e quajti atë Shebah; prandaj emri i qytetit është Beersheba deri më sot.
34 Dhe Esau ishte dyzetë vjeç kur mori për grua Judithën bijën e hititit Beeri, dhe Bashemathën bijën e hititit Elon;
35 Që ishin hidhërim në mendje për Isakun dhe për Rebekën.