1 Libri i gjenealogjisë së Jezu Krishtit, birit të Davidit, birit të Abrahamit.
2 Abrahami lindi Isakun; Isaku lindi Jakobin; Jakobi lindi Judën dhe vëllezërit e tij;
3 Juda lindi Faresin dhe Zarën nga Thamara; Faresi lindi Esromin; Esromi lindi Aramin;
4 Arami lindi Aminadabin; Aminadabi lindi Naasonin; Naasoni lindi Salmonin;
5 Salmoni lindi Boazin nga Rahabi; Boazi lindi Obedin nga Ruthi; Obedi lindi Jeseun;
6 Jeseu lindi mbretin David; mbreti David lindi Solomonin nga ajo që kishte qenë gruaja e Uriasit;
7 Solomoni lindi Roboamin; Roboami lindi Abian, Abia lindi Asan;
8 Asa lindi Josafatin; Josafati lindi Joramin; Jorami lindi Oziasin;
9 Oziasi lindi Joathamin; Joathami lindi Aqazin; Aqazi lindi Ezekiasin;
10 Ezekiasi lindi Manasesin; Manasesi lindi Amonin; Amoni lindi Josiasin;
11 Josiasi lindi Jekoniasin dhe vëllezërit e tij, rreth kohës kur ata u shpërngulën në Babiloni;
12 Dhe pasi u sollën në Babiloni, Jekoniasi lindi Salathielin; Salathieli lindi Zorobabelin;
13 Zorobabeli lindi Abiudin; Abiudi lindi Eliakimin; Eliakimi lindi Azorin;
14 Azori lindi Sadokun; Sadoku lindi Akimin; Akimi lindi Eliudin;
15 Eliudi lindi Eleazarin; Eleazari lindi Matthanin; Matthani lindi Jakobin;
16 Jakobi lindi Jozefin burrin e Marisë, prej së cilës lindi Jezusi, që quhet Krisht.
17 Kështu të gjithë brezat nga Abrahami deri te Davidi janë katërmbëdhjetë breza; dhe nga Davidi deri në shpërnguljen në Babiloni janë katërmbëdhjetë breza; dhe nga shpërngulja në Babiloni deri te Krishti janë katërmbëdhjetë breza.
18 Tani, lindja e Jezu Krishtit ndodhi në këtë mënyrë: Pasi nëna e tij Maria ishte fejuar me Jozefin, para se të bashkoheshin, ajo u gjet shtatzënë prej Frymës së Shenjtë.
19 Atëherë Jozefi burri i saj, duke qenë një njeri i drejtë, dhe duke mos dashur ta bënte atë një shfaqe publike, mendoi ta largonte fshehtas.
20 Por ndërsa mendonte për këto gjëra, ja, engjëlli i Zotit iu shfaq atij në një ëndërr, duke thënë: Jozef, ti bir i Davidit, mos ki frikë ta marrësh me vete Marinë, gruan tënde; sepse ç’është ngjizur në të është prej Frymës së Shenjtë.
21 Dhe ajo do të lindë një djalë, dhe ti do t’i vësh emrin JEZUS; sepse ai do t’i shpëtojë njerëzit e tij nga mëkatet e tyre.
22 Tani, e gjithë kjo u bë, që të mund të përmbushet ajo që u tha nga Zoti nëpërmjet profetit, duke thënë:
23 Ja, një virgjëreshë do të mbetet shtatzënë, dhe do të lindë një djalë, dhe ata do t’i vënë emrin Emanuel, që e përkthyer do të thotë, Perëndia me ne.
24 Atëherë Jozefi si u zgjua nga gjumi bëri ashtu siç e kishte urdhëruar engjëlli i Zotit, dhe e mori me vete gruan e tij;
25 Dhe nuk e njohu atë derisa ajo lindi djalin e saj të parëlindur; dhe ai i vuri emrin JEZUS.