1 Çfarë përparësie atëherë ka judeu? Ose çfarë përfitimi ka nga rrethprerja?
2 Shumë në çdo mënyrë; kryesisht, sepse atyre u ishin besuar orakujt e Perëndisë.
3 Po sikur disa nuk besonin? A do ta bënte mosbesimi i tyre besimin e Perëndisë pa dobi?
4 Mos e lëntë Perëndia; po, le të jetë Perëndia e vërtetë, por çdo njeri një gënjeshtar; siç është shkruar: Që ti të mund të shfajësohesh në thëniet e tua, dhe të mund të ngadhënjesh kur të gjykohesh.
5 Por, nëse padrejtësia jonë tregon drejtësinë e Perëndisë, çfarë do të themi ne? A është Perëndia i padrejtë që merr hakë? (Unë flas si njeri)
6 Mos e lëntë Perëndia; sepse atëherë si do ta gjykonte Perëndia botën?
7 Sepse, nëse e vërteta e Perëndisë është shtuar më shumë përmes gënjeshtrës sime në lavdinë e tij; pse gjithashtu ende gjykohem si mëkatar?
8 Dhe pse nuk themi, (ashtu si thonë për ne duke shpifur, dhe si disa pohojnë që ne themi,) Le të bëjmë keq që e mira të mund të vijë? Ndëshkimi i së cilës është i drejtë.
9 Çfarë pastaj? A jemi ne më të mirë se ata? Jo, në asnjë mënyrë, sepse ne kemi provuar më parë si judejtë dhe paganët, që ata të gjithë janë nën mëkat;
10 Siç është shkruar: Nuk është ndonjë i drejtë, jo, as edhe një;
11 Nuk është ndonjë që kupton, nuk është ndonjë që kërkon Perëndinë.
12 Ata të gjithë kanë dalë nga rruga, ata së bashku janë bërë të pavlerë; nuk është ndonjë që bën mirë, jo, as edhe një.
13 Gryka e tyre është një varr i hapur; me gjuhët e tyre kanë përdorur mashtrim; ka helm gjarpërinjsh nën buzët e tyre;
14 Goja e të cilëve është plot mallkim dhe hidhësi;
15 Këmbët e tyre janë të shpejta për të derdhur gjak;
16 Shkatërrimi dhe mjerimi janë në rrugët e tyre;
17 Dhe ata nuk e kanë njohur rrugën e paqes;
18 Nuk ka frikë Perëndie para syve të tyre.
19 Tani, ne e dimë që gjithçka që thotë ligji, ai ua thotë atyre që janë nën ligj; që çdo gojë të ndalet, dhe gjithë bota të bëhet fajtore para Perëndisë.
20 Prandaj prej veprave të ligjit nuk do të shfajësohet asnjë mish në vështrimin e tij; sepse prej ligjit është njohja e mëkatit.
21 Por tani drejtësia e Perëndisë pa ligjin shfaqet, duke qenë e dëshmuar prej ligjit dhe profetëve;
22 Madje drejtësia e Perëndisë, e cila është prej besimit te Jezu Krishti për të gjithë dhe mbi të gjithë ata që besojnë; sepse nuk ka ndryshim;
23 Sepse të gjithë kanë mëkatuar dhe nuk e arrijnë lavdinë e Perëndisë;
24 Duke qenë të shfajësuar falas prej hirit të tij përmes shpengimit që është në Krishtin Jezus;
25 Të cilin Perëndia e ka vënë para të jetë shlyerje përmes besimit në gjakun e tij, të shpallë drejtësinë e tij për faljen e mëkateve që janë kryer më parë, përmes durimit të Perëndisë;
26 Të shpallë, them unë, në këtë kohë drejtësinë e tij, që ai të mund të jetë i drejtë, dhe shfajësuesi i atij që beson në Jezusin.
27 Ku është mburrja atëherë? Ajo është përjashtuar. Prej cilit ligj? Të punëve? Jo, por prej ligjit të besimit.
28 Prandaj ne përfundojmë se një njeri është shfajësuar prej besimit pa veprat e ligjit.
29 A është ai Perëndia i judejve vetëm? A nuk është ai gjithashtu i paganëve? Po, i paganëve gjithashtu;
30 Duke parë që është një Perëndi, i cili do ta shfajësojë rrethprerjen prej besimit, dhe jorrethprerjen nëpërmjet besimit.
31 Atëherë, shfuqizojmë ne ligjin nëpërmjet besimit? Mos e lëntë Perëndia; përkundrazi e vërtetojmë ligjin.