1 Çfarë do të themi ne atëherë? A do të vazhdojmë ne në mëkat që hiri të mund të teprohet?
2 Mos e lëntë Perëndia. Si do të jetojmë më gjatë në mëkat, ne që jemi të vdekur në të?
3 A nuk e dini ju, që kaq shumë prej nesh që u pagëzuam në Jezu Krishtin, u pagëzuam në vdekjen e tij?
4 Prandaj, prej pagëzimit, ne u varrosëm me të në vdekje: që ashtu si Krishti u ngrit prej vdekjes, nëpërmjet lavdisë së Atit, madje po kështu edhe ne duhet të ecim në risinë e jetës.
5 Sepse nëse jemi mbjellur së bashku në ngjashmërinë e vdekjes së tij, ne do të jemi gjithashtu në ngjashmërinë e ringjalljes së tij:
6 Duke ditur këtë, që njeriu ynë i vjetër është kryqëzuar me atë, që trupi i mëkatit të mund të shkatërrohet, që të mos i shërbejmë më mëkatit.
7 Sepse ai që është i vdekur u lirua nga mëkati.
8 Tani nëse ne jemi të vdekur me Krishtin, ne besojmë se gjithashtu do të jetojmë me të.
9 Duke ditur se Krishti, duke qenë se u ngjall prej vdekjes, nuk vdes më; vdekja nuk ka më pushtet mbi të.
10 Sepse në atë që vdiq, ai vdiq për mëkatin një herë: por në atë që rron, ai rron për Perëndinë.
11 Po kështu llogariteni edhe veten tuaj të jeni të vdekur vërtetë për mëkat, por të gjallë për Perëndinë përmes Jezu Krishtit, Zotit tonë.
12 Prandaj mos e lejoni mëkatin të sundojë në trupin tuaj të vdekshëm, që t’i bindeni atij në epshet e tij.
13 As mos i dorëzoni gjymtyrët tuaja si instrumente të padrejtësisë për mëkatin: por dorëzojeni veten tuaj te Perëndia, si ata që janë të gjallë prej vdekjes, dhe gjymtyrët tuaja si instrumente të drejtësisë te Perëndia.
14 Sepse mëkati nuk do të ketë pushtet mbi ju; sepse ju nuk jeni nën ligjin, por nën hir.
15 Po pastaj? a do të mëkatojmë ne për shkak se nuk jemi nën ligjin, por nën hir? Mos e lëntë Perëndia.
16 A nuk e dini ju, që atij të cilit ju i dorëzoni veten si shërbëtorë t’i bindeni, ju jeni shërbëtorë të atij që i bindeni; ose të mëkatit për vdekje, ose të dëgjesës për drejtësi?
17 Por faleminderit Perëndisë, se ju ishit shërbëtorë të mëkatit, por ju me zemër i jeni bindur asaj forme të doktrinës që iu dha juve.
18 Dhe pasi u liruat nga mëkati, ju u bëtë shërbëtorë të drejtësisë.
19 Unë flas njerëzisht për shkak të paaftësisë së mishit tuaj: sepse ashtu si ju i keni dorëzuar gjymtyrët tuaja shërbëtorë të papastërtisë dhe të paligjshmërisë për paligjshmëri; po kështu i dorëzoni tani gjymtyrët tuaja shërbëtorë të drejtësisë për shenjtëri.
20 Sepse kur ju ishit shërbëtorë të mëkatit, nga drejtësia ju ishit të lirë.
21 Çfarë fruti kishit ju atëherë në ato gjëra për të cilat tani keni turp? sepse fundi i atyre gjërave është vdekja.
22 Por tani pasi u liruat nga mëkati, dhe u bëtë shërbëtorë te Perëndia, ju keni frutat tuaja për shenjtëri, dhe për fund jetë të përjetshme.
23 Sepse shpagimi i mëkatit është vdekja; por dhurata e Perëndisë është jeta e përjetshme përmes Jezu Krishtit Zotit tonë.