11 Dhe jo vetëm kaq, por ne gjithashtu gëzojmë në Perëndinë përmes Zotit tonë Jezu Krisht, prej të cilit tani ne kemi marrë shlyerjen.
12 Prandaj, ashtu si prej një njeriu mëkati hyri në botë, dhe vdekja prej mëkatit; dhe kështu vdekja kaloi te të gjithë njerëzit, sepse të gjithë kanë mëkatuar;
13 (Sepse deri te ligji, mëkati ishte në botë, por mëkati nuk llogaritet kur nuk ka ligj.
14 Megjithatë vdekja sundoi nga Adami te Moisiu, madje edhe mbi ata që nuk kishin mëkatuar sipas ngjashmërisë së shkeljes së Adamit, i cili është tipi i atij që do të vinte.
15 Por jo si shkelja, kështu është edhe dhurata falas. Sepse, nëse përmes shkeljes së njërit, shumë vdesin, shumë më tepër hiri i Perëndisë, dhe dhurata prej hirit, ka tepruar për shumë, prej një njeriu, Jezu Krishtit.
16 Dhe jo siç ishte prej njërit që mëkatoi, kështu është dhurata; sepse gjykimi ishte prej njërit në dënim, por dhurata falas është shfajësim për shumë shkelje.
17 Sepse, nëse prej shkeljes së një njeriu, vdekja sundoi prej njërit; shumë më tepër ata që e marrin teprinë e hirit dhe të dhuratës së drejtësisë, do të sundojnë në jetë prej njërit, Jezu Krishtit.)
18 Prandaj, ashtu si prej shkeljes së njërit, gjykimi erdhi mbi të gjithë njerëzit për dënim; madje kështu prej drejtësisë së njërit, dhurata falas erdhi mbi të gjithë njerëzit për shfajësim të jetës.
19 Sepse, ashtu si prej mosbindjes së një njeriu, shumë u bënë mëkatarë, kështu prej bindjes së njërit shumë do të bëhen të drejtë.
20 Për më shumë ligji hyri, që shkelja të mund të teprohej. Por aty ku mëkati teprohej, hiri teprohej shumë më tepër;
21 Që ashtu si mëkati ka sunduar për vdekje, po kështu hiri të mund të sundojë përmes drejtësisë për jetë të përjetshme nëpërmjet Jezu Krishtit Zotit tonë.