1 Korintasve 15:1-2

“1…vëllezër, unë ju shpall juve ungjillin të cilin jua kam predikuar, të cilin ju e keni pranuar, dhe në të cilin ju qëndroni; 2Prej të cilit ju gjithashtu jeni shpëtuar…”
- 1 Korintasve 15:1-2

     Ungjilli!!! Lajmi i Mirë i Jezus Krishti! Në këto vargje, Apostulli Pal është duke i shkruar një letër kishës në Korint. Unë shikoj tri gjëra këtu që edhe ne duhet të bëjmë me Lajmin e Mirë të Krishtit. E para: Ne duhet ta pranojmë atë. Ne duhet ta marrim Ungjillin në zemrën tonë. Pasi e pranojmë, ne bëhemi besimtarë, ne bëhemi pjestarë në kishën e Zotit. A e keni pranuar Jezusin? Njerëzit e kishës në Korint, të cilëve iu shkruan këto fjalë, e pranuan Ungjillin e Jezusit. E dyta: Ne duhet të qëndrojmë në të, pa lëkundje, pa lëvizje, pa u tërhequr, të këmbëngulur. Nëse ne jetojmë për Jezu Krishtin në këtë botë, pa dyshim ne do të përsekutohemi. Pra, a do të vazhdojmë ne edhe kur të përballemi me vështirësi? Edhe kur të tallemi nga ata që janë në errësirë? A do të vazhdojmë edhe kur të kemi dyshime ose frikë brenda nesh? E treta: Ne duhet ta predikojmë Ungjillin. Nëse ne e kemi Dritën e botës, ne nuk mund ta fshehim atë. Njerëzit që janë pushtuar nga armiku i kryqit, nga djalli, kanë nevojë për Lajmin e Mirë të Biblës. Perëndia e do botën dhe nuk do që asnjë të humbasë. Pra, sot, le të gjendemi në punën e Zotit, sepse, ashtu siç thotë vargu: “Prej të cilit ju gjithashtu jeni të shpëtuar…” Lavdi Zotit! Ne jemi të shpëtuar! Le t’ia predikojmë botës Jezusin që edhe më shumë të mund të shpëtohen! Amin!