Psalmi 119:145

​MOS I SHËRBENI PERËNDISË ME GJYSMË ZEMRE #6

“Unë thërrita me gjithë zemrën time; dëgjomë, O ZOT, dhe unë do t’i ruaj statutet e tua.”
-Psalmi 119:145

     A i thërrasim ne Perëndisë me gjithë zemër? Kjo është lutja e vërtetë. Shkruesi nuk është duke u lutur thjesht me një pjesë të vogël të zemrës, por zemra e tij komplet me njëzëshmëri është duke i thirrur Perëndisë. Shpesh ne lutemi, por ne e bëjmë atë, thjesht të bëjmë një vepër fetare. Lutja duhet të bëhet e vërtetë. Komunikimet tona me Perëndinë duhet të vijnë nga zemra, dhe me gjithë zemër. Te 1 Samuel kapitulli 1, Hanah thotë që i derdhi Zotit shpirtin e saj. Perëndia na ndihmoftë të veprojmë njësoj! Pjesa e fundit e vargut tonë për sot na flet për komunikimin e Perëndisë me ne. Shkruesi tha: “Unë do t’i ruaj statutet e tua”. Këto janë urdhërimet e Perëndisë, Fjala e Perëndisë, Bibla. Nëse ne presim që Perëndia t’i dëgjojë thirrjet tona në lutje, a nuk është e drejtë që ne t’u kushtojmë vëmendje urdhërimeve të Tij? Bibla i përmban Fjalët e Perëndisë për ne. Ai flet me ne përmes atyre Faqeve të Shenjta, dhe ne flasim me Atë përmes lutjes. Lutuni sot! Lutuni me gjithë zemrën tuaj! Gjithashtu, le të shikojmë brenda Fjalës së Perëndisë dhe të kërkojmë vullnetin e Tij për jetët tona. Amin!