Mesazhi i Biblës është i rëndësishëm sepse ai na tregon rrugën për te Shpëtimtari. Nëse ne e kuptojmë që jemi të humbur dhe jemi në rrugën për në ferr, nëse ne e kuptojmë rrezikun e qartë, që rri në përgjim për shkak të mëkatit, ne duhet të përgatitemi. Tani, mua nuk më pëlqejnë ashensorët. Unë kam frikë se mund të bllokohem aty brenda, dhe të mos të jem në gjendje për të dalë. Imagjinoni këtë, nëse dikush bllokohet në ashensor (Mos e lëntë Perëndia), çfarë do të bënte ai ose ajo më parë? Ata do të thërrasin me zë të lartë për ndihmë. Ndihmë! Ndihmë! Ne jemi bllokuar! Kur njerëzit janë në telashe, reagimi normal është të thërrasin për ndihmë, të thërrasin për një shpëtues. Tani, krahasojeni këtë me mesazhin e Biblës. Kur dikush e kupton me të vërtetë që satani po e çon atë në ferr me zinxhirët e mëkatit, dhe që ai nuk ka rrugëdalje, përveç t’i thërrasë Jezusit, ai duhet t’i thërrasë atij menjëherë. Çfarë e pengon njeriun që të kërkojë ndihmë te Jezusi? KRENARIA! Ne duam që vetë ne ta shpëtojmë veten tonë. Ne nuk duam ta pranojmë faktin që kemi nevojë për ndihmë. A je ti i humbur sot? A jeni të lidhur me zinxhirët e mëkatit? THIRRINI JEZUSIN! AI DO T’JU SHPËTOJË JU!

     Ne, përsëri, po shqyrtojmë pyetjen, “Pse është i rëndësishëm mesazhi i Biblës?” Deri tani, ne kemi dhënë këto dy përgjigje, “Ai është i rëndësishëm sepse na tregon nevojën që kemi për Shpëtimtar”, dhe “Ai na flet për Njërin që na ofron shpëtim.” Sot, ne do të fillojmë me përgjigjen e tretë: Mesazhi është i rëndësishëm sepse ai na tregon RRUGËN PËR TE SHPËTIMTARI. Ne kemi parë nevojën, ne e kemi dëgjuar lajmin, por si mund të shpëtohemi? Le të shikojmë vargun tonë për sot, ai thotë, “…besimi vjen prej të dëgjuarit, dhe të dëgjuarit prej fjalës së Perëndisë.” Shumë thjeshtë, ky varg do të thotë që ne duhet ta dëgjojmë të vërtetën përpara se të mund ta besojmë atë. Nga kush mund ta dëgjojmë atë? Kjo detyrë bie mbi kishën. Ne, si besimtarë të Jezu Krishtit, duhet të jemi dëshmitarë për Ungjillin e Tij. Ne nuk duhet ta harrojmë kurrë rëndësinë e Biblës, Fjalës së Perëndisë. Ajo është burimi i shpëtimit. Shumë besimtarë në të kaluarën u bënë dëshmorë për t’i ruajtur këto Fjalë të shtrenjta. Po, gjaku e tyre u derdh që ne, sot, të mund të lexojmë, të besojmë, dhe të predikojmë Fjalët e Perëndisë. Kisha e fuqishme, por kisha e ligë katolike ishte persekutuesja kryesore e përkthyesve dhe e besimtarëve të Biblës. Falënderoni Perëndinë për Biblën tuaj sot dhe mos harroni që ajo është rruga për te Shpëtimtari.

​     Pse është i rëndësishëm mesazhi i Biblës? Sepse njerëzimi është në rrezik të rëndë dhe ka nevojë për një Shpëtimtar. Në Bibël, ne e gjejmë lajmërimin e këtij Shpëtuesi. Vëreni këtë fakt të mrekullueshëm Biblik që ne mësojmë në këtë varg, Perëndia i do mëkatarët. Vëreni: Ai nuk e do mëkatin e tyre, por Ai i do ata. Bibla thotë, Perëndia ka sytë më të pastër sesa ta shikojnë ligësinë. Perëndia nuk do të shikojë as mëkatin tonë. Vargu ynë për sot thotë, “…kur ne ende ishim mëkatarë…” Perëndia nuk priti që ne të meritojmë shpëtim, Ai na ofron neve diçka që nuk e kemi merituar. Prandaj ne e këndojmë këngën e bukur, Hiri Mahnitës, Lavdi Perëndisë! Për kë u vdiq Krishti? Ai vdiq për ne, për ju dhe mua. Ç’bekime të mëdha që ne kemi në Krishtin! Pse është i rëndësishëm mesazhi i Biblës? Sepse këtu ne gjejmë lajmin e mrekullueshëm për Jezusin!

     Pse na duhet një Shpëtues? Sepse ne jemi mëkatarë. Cilat janë pasojat e të qenit mëkatar? Ne jemi fajtorë para Perëndisë së Gjithëfuqishëm. Qëllimi im nuk është të fyej ndonjë njeri, por që ta pranoni shpëtimin e Perëndisë, ju duhet ta kuptoni problemin. Është e vështirë për shumë njerëz, veçanërisht për të rriturit, të pranojnë që kanë gabim. Kur ngrihet një akuzë, njerëzit mundohen ta justifikojnë veten e tyre. Ata përpiqen të argumentojnë sipas tyre ndodhinë, por këtu, në këtë varg, ligji i Perëndisë mbyll çdo gojë. Ne nuk mund të debatojmë me ligjin. Perëndia nuk do të pranojë asnjë justifikim për mëkatin. A jeni gati t’i besoni Fjalët e Perëndisë sot? Nëse po, ju duhet ta pranoni faktin që jeni fajtor para Perëndisë. Po,    çdokush është fajtor, por ju duhet duhet ta pranoni këtë për veten tuaj, personalisht. Pse është i rëndësishëm mesazhi i Biblës? Ai na tregon kush jemi ne me të vërtetë. Ne jemi fajtorë para Krijuesit tonë dhe kemi nevojë për shpëtim. Perëndia e di këtë dhe bëri një rrugë për të gjetur mëshirë madje edhe mëkatarët më të këqij.

     Bibla na mëson që kemi nevojë për një Shpëtimtar. Përse na duhet një Shpëtimtar? A jemi ne në rrezik? Këto vargje na tregojnë dy grupe njerëzish që konsiderohen nën mëkat, judejtë dhe paganët. Judejtë janë hebrenj ose izraelitë. Paganët, në këto vargje janë gjithë popullsia e botës përveç judejve. Prandaj, është shumë e lehtë të kuptojmë që këto vargje Bible flasin edhe për ne. Vërejini këto fjalë, “…Nuk është ndonjë i drejtë, jo, as edhe një…” Unë nuk e di ­çfarë keni mësuar ju për Perëndinë gjatë jetës suaj, por sipas Fjalës së Perëndisë, Biblës, nuk ka ndonjë të drejtë. Nuk ekziston vend në mes të këtyre, ose jemi të drejtë, ose jemi mëkatarë. Këto vargje tregojnë qartë që ne nuk jemi të drejtë, por përkundrazi, jemi nën mëkat. Përfundimi: Ne jemi mëkatarë. Çfarë është mëkat? Mëkati është kur ne nuk qëllojmë në shenjë drejtësinë e Perëndisë. Mëkati është që nuk arrijmë te lavdia e Perëndisë. Mëkatarët kanë nevojë për një Shpëtimar. Vini re këto pak vargje të tjera për mëkatarët, Bibla thotë te Romakëve 3:12-18:
“12Ata të gjithë kanë dalë nga rruga, ata së bashku janë bërë pavlerë; nuk është ndonjë që bën mirë, jo, as edhe një. 13Gryka e tyre është një varr i hapur; me gjuhët e tyre ata kanë përdorur mashtrim; ka helm gjarpërinjsh nën buzët e tyre: 14Goja e të cilëve është plot mallkim dhe hidhësi: 15Këmbët e tyre janë të shpejta për të dedhur gjak: 16Shkatërrimi dhe mjerimi janë në rrugët e tyre: 17Dhe ata nuk e kanë njohur rrugën e paqes: 18Nuk ka frikë Perëndie para syve të tyre.”