Psalmi 66:5

“Ejani dhe shikojini veprat e Perëndisë: ai është i tmerrshëm në punën e tij ndaj fëmijëve të njerëzve.”
- Psalmi 66:5

     Perëndia kishte bërë shumë mrekulli për bijtë e Izraelit. Ai i çliroi ata nga Egjipti duke hedhur mynxyra të shumta gjersa më në fund Faraoni u dorëzua. Pasi ata u larguan, Faraoni i ndoqi për t’i sjellë ata prapë në Egjipt si skllevër. Ata ishin bllokuar në Detin e Kuq. Me ushtrinë e Egjiptit prapa tyre dhe detin përpara, ata nuk kishin rrugëdalje. A e dini çfarë bëri Perëndia? Ai ua hapi detin dhe njerëzit e kaluan në tokë të thatë me mure uji në të dyja anët. Kur Faraoni u përpoq t’i ndiqte ata në det, ujërat e përmbytën gjithë ushtrinë e tij, nuk shpëtoi njeri. Edhe sot, në shtratin e Detit të Kuq, mund të shikohen rrotat nga koçitë e Faraonit. Këto na bëjnë të kujtojmë çfarë do të bëjë Perëndia për t’i mbrojtur njerëzit e Tij. Shumë thonë, “Eja dhe shiko çfarë kam bërë unë!” Ndërsa të Krishterët thonë, “Ejani dhe shikojini veprat e Perëndisë.” Ne jetojmë në një vend që mbështetet shumë te turizmi. Ata thonë, “Ejani Provoni Shqipërinë!” Shumë shqiptarë janë udhëzuesi turistikë. Ne kemi nevojë për disa udhëzues turistikë për Biblën sot që do të thonë, “Ejani dhe shikojini veprat e Perëndisë!”