Psalmi 59:9

“Për shkak të fuqisë së tij, unë do të të pres ty: sepse Perëndia është mbrojtja ime.”
- Psalmi 59:9

     Burri i ri, Davidi i Izraelit, i cili më pas u bë mbret, i shkroi këto fjalë afërsisht tre mijë vjet më parë. Ai kishte armiq që e ndiqnin  atë, duke u orvatur ta kapnin, duke u përpjekur ta vrisnin. Le të mos harrojmë që Mbreti David, duke filluar si djalë bari, mundi luanë dhe arinj ndërsa po ruante tufën e tij. Ai, si djalosh, e mposhti gjigantin e frikshëm Goliath. Ai u bë një luftëtar i madh, një burrë lufte. Kur ne e shikojmë maskarain e fuqishëm me të cilin ai përballet në këtë varg, Davidi na çon thellë në korridoret e stratëgjisë së tij për betejën. Çfarë do të bënte ky kampion kur armiku para tij ishte shumë i fuqishëm? A do të gjente ai armë më të mira dhe më të mëdha? A do të kërkonte shpikjet e fundit në parzmore? Jo. Ne e pamë atë të mos pranonte parzmoren e mbretit në përballjen me gjigantin. Çfarë do të bënte?  Çfarë do të bënim ne? Ai priti Perëndinë. Ai, me qetësi, shikoi drejt qiellit dhe tha, “…Perëndia është mbrojtja ime.” Këtu qëndron burimi i fitoreve të tij të mëdha, si bari, shërbëtor dhe mbret, ai i besoi Perëndisë. Faleminderit Zotit për këto fjalë mendjemprehta! Nëse nuk dini çfarë të bëni me armikun tuaj, djallin, prisni Zotin! Ai është Mbrojtja jonë!