Romakëve 5:6

PSE ËSHTË I RËNDËSISHËM MESAZHI I BIBLËS?

Përgjigjja e dytë, pjesa e parë:

“Sepse kur ne ende ishim pa forcë, në kohën e duhur Krishti vdiq për të këqinjtë.”
- Romakëve 5:6

     Unë besoj që kemi vendosur përgjigjen e parë. Sipas Biblës ne jemi mëkatarë të humbur dhe jemi në rrezik për zjarrin e ferrit. NA DUHET NJË SHPËTIMTAR! Tani, ne do të vijojmë me përgjigjen time të dytë. Mesazhi i Biblës është i rëndësishëm sepse ai na shpall neve Shpëtimtarin e vërtetë. Vargu ynë për sot na tregon për gjendjen ku ishim kur Jezusi vdiq për ne. Ne ishim pa forcë. Ne ishim pjesë e turmës së të këqinjve. Nuk kishim mënyrë, as fuqi të shkonim te Perëndia, POR kur ne nuk mund të shkonim tek Ai, AI ERDHI TE NE! Lavdi Zotit! Jezusi i la lavdërimet e parajsës; Ai erdhi në këtë botë; Ai u lind prej një virgjëreshe; Ai jetoi një jetë pa mëkat; Ai vdiq një vdekje flijimi në kryq për mëkatet tona; Ai u varros; pas tri ditësh Ai u ringjall me fitoren mbi mëkatin, vdekjen dhe varrin; Ai u ngjit përsëri në parajsë; Tani, Ai është ulur në krah të djathtë të Atit të Tij dhe është duke ndërmjetësuar për ne. Një ditë shpejt, Ai do të vijë përsëri dhe do ta thërrasë kishën e Tij te shtëpia në parajsë. Lavdi Perëndisë! Ai pa dobësinë tonë dhe në momentin e përsosur, në vendin e përsosur dhe në mënyrën e përsosur, Ai dha jetën e Tij për ne! Lavdi Perëndisë për këtë Shpëtimtar të mrekullueshëm!