“14Këto gjëra po të shkruaj, duke shpresuar që të vij te ti së shpejti; 15Por nëse vonoj shumë, që ti të mund të dish si duhet të sillesh në shtëpinë e Perëndisë, që është kisha e Perëndisë së gjallë, shtylla dhe themeli i së vërtetës.” - 1 Timoteut 3:14-15 Kisha është për mua një vend shumë i veçantë. Atje kam gjetur shpresë dhe arsyen e jetës. Shumë njerëz mendojnë çdo ditë: “Pse jam unë këtu në botë?” Ndërsa unë nuk e kam atë pyetje brenda meje. Unë e di pse jam këtu. Perëndia më krijoi. Ai më shpëtoi nga mëkati. Tani jam thirrur të jem shërbëtori i Tij çdo ditë të jetës sime. Domethënë, unë kam një themel të fortë për jetën time, sepse jam rritur në kishë. Kisha Baptiste është një vend i mrekullueshëm, atje mësova dhe po mësoj Biblën; atje mësova t’i lutem Perëndisë, të këndoj këngët e Tij, ta adhuroj Zotin sinqerisht nga zemra; atje mësova si të jem një njeri i ndershëm; atje gjeta gëzimin e jetës; atje, përmes besimit te Jezusi, fitova jetë të përjetshme. Çfarë do të bëja unë pa kishën? Unë do të isha i humbur. Vargu i sipërm nga Bibla thotë që kisha është shtëpia e Perëndisë. Më vjen shumë keq për ata që nuk e njohin kishën e vërtetë. Atje ne mësojmë si të kemi marrëdhënie me Perëndinë. Kisha është një vend i rëndësishëm edhe për gjithë botën, sepse vargu thotë që është “shtylla dhe themeli i së vërtetës.” Nëse kisha është ashtu, është turp të mos shkojmë atje, dhe është gjëja më e trishtuar kur qeveria nuk i lejon njerëzit të shkojnë atje të mësojnë për Zotin dhe Krijuesin e tyre. Kisha duhet të jetë qendra e jetës sonë. Amin!
0 Comments
“Por faleminderit Perëndisë, se ju ishit shërbëtorë të mëkatit, por ju me zemër i jeni bindur asaj forme të doktrinës që iu dha juve.” - Romakëve 6:17 Përshëndetje! Sot, unë dua të theksoj përsëri një nga pikat e mesazhit që predikuam javën e kaluar. Lavdi Zotit që nuk jemi më shërbëtorët e mëkatit! Ne jemi çliruar prej Gjakut të Jezusit që u derdh në kryq për ne. Në momentin që e pranuam Jezusin si Shpëtuesi dhe Zoti i jetës sonë, ne ishim të shpëtuar! Në këtë varg, fjala “doktrina” do të thotë “mësime”. Vargu thotë: “…ju ishit shërbëtorë të mëkatit, por ju me zemër i jeni bindur asaj forme të doktrinës që iu dha juve.” Domethënë, ne ishim nën mëkat dhe shërbëtorët e tij, por erdhëm, dëgjuam dhe pranuam mësimet e Krishtit, tani jemi çliruar nga skllavëria e mëkatit, përmes Gjakut të Jezusit. Ne jemi të shpëtuar sepse, ashtu siç thotë vargu, ne me zemër i jemi bindur asaj forme të doktrinës që na u dha neve. Zoti na ka dhënë doktrina/mësime specifike për të besuar. Predikimet, lutjet, adhurimet, këngët, muzika, mënyra e të folurit, mënyra e të jetuarit, forma e kishës dhe e shërbesës, edhe gjëra të tjera, këto janë forma të doktrinës që ne kemi pranuar. Pali kishte një paralajmërim për ata që dëgjojnë një mesazh tjetër. Te letra e tij Galatasve 1:9, Bibla thotë: “Ashtu siç thamë më parë, kështu them tani përsëri: Nëse ndonjë njeri ju predikon juve ndonjë ungjill tjetër përveç atij që ju keni pranuar, qoftë i mallkuar.” Amin!
|
Shkruesi:Përshendetje! Unë jam Pastori misionar Aaron Wilson. Këto shkrime janë mendimet e mia të thjeshta për disa vargje nga Fjala e Zotit, Bibla. Ne të gjithë kemi një opinion, por çfarë thotë Bibla??? Arkivat
March 2024
Kategoritë |