1 Timoteut 4:1

“Tani, Fryma flet qartë, se në kohët e fundit disa do të largohen prej besimit, duke u kushtuar vëmendje frymërave joshëse, dhe doktrinave të djajve;”
- 1 Timoteut 4:1

     Unë, bashkë me shumë predikues të tjerë, besoj që ne jetojmë në ditët e fundit. Ne po i afrohemi kohës kur Jezusi do të vijë për kishën e Tij, dhe Ati do ta gjykojë botën. Do ketë shumë vuajtje në gjithë dheun. Një shenjë që na tregon qartë se jemi në ditët e fundit është fakti që Bibla thotë: “…në kohët e fundit disa do të largohen prej besimit…”. Ne shikojmë që njerëzit sot po largohen nga Perëndia. Nëse ne po i afrohemi Perëndisë, po ecim kundër trafikut të botës, kundër qëllimeve të tyre. Duket si një ofendim që dikush të flasë hapur për besimin e tij. Ata thonë që ideja e një fuqie më të lartë është shumë e vjetër, dhe nuk ka vend në qeverinë, në shkollat, as në mendjet tona. Për shembull, si është e mundur t’u mësojmë fëmijëve të vërtetat e shkencës pa u thënë atyre se Perëndia është Krijuesi i botës? Ja, Zoti, Krijuesi i botës nuk është i mirëpritur në shkollat tona. Themeli i sistemit është ndërtuar mbi padrejtësinë, dhe nëse themeli është i shtrembër, edhe godina do të jetë e shtrembër. Te Letra e Palit Romakëve 1:28, Bibla thotë: “Dhe meqë ata nuk pëlqenin ta ruanin Perëndinë në dijeninë e tyre, Perëndia i dorëzoi ata në një mendje të poshtër…”. Miqtë e mi, bëhuni gati! Jezusi po vjen! Amin!