Eksodi 20:8-11

“8Kujtoje ditën e sabathit, për ta mbajtur atë të shenjtë. 9Ti do të punosh gjashtë ditë dhe do të bësh gjithë punën tënde; 10Por dita e shtatë është sabathi i ZOTIT, Perëndisë tënd; në atë ditë ti nuk do të bësh asnjë punë, ti, as biri yt, as bija jote, as shërbëtori yt, as shërbëtorja jote, as bagëtia jote as mysafiri yt që është brenda portës sate; 11Sepse brenda gjashtë ditëve ZOTI bëri qiellin dhe tokën, detin dhe gjithçka që është në to, dhe ditën e shtatë pushoi; prandaj ZOTI e bekoi ditën e sabathit dhe e shenjtëroi.”
- Eksodi 20:8-11

URDHËRIMI I KATËRT

     Sipas Biblës, çdo njeri duhet të punojë. Me mendjen, me duart, në zyrë, në fushë, në shtëpi, kudo që të jetë puna jonë, ne duhet të jemi besnikë për këtë. Bibla thotë që nëse një njeri nuk punon, ai nuk duhet të hajë. Në një vend tjetër Bibla thotë që ai njeri që nuk kujdest për të tijtë është më i keq se një i pafe. Përtacia, ose papunësia nuk duhet të ketë vend në jetën e besimtarëve. Zoti na dha gjashtë ditë në javë për të punuar dhe ditën e shtatë për të pushuar. Perëndia do që ne të kemi një pushim, dhe jo thjesht një pushim, sepse Ai na tha ta mbajmë atë ditë të shenjtë. Domethënë ta bëjmë atë të shenjtë. Ne, besimtarët e Biblës e konsiderojmë një ditë të shenjtë, apo jo? Çdo të dielë pushojmë nga puna dhe shkojmë në vendin e shenjtë (kisha) që ta adhurojmë në shenjtëri Atë që është i Shenjtë. Po! Ne mund të themi që dita e dielë respektohet si dita e shenjtë e javës (sabathi) për të krishterët, dhe kemi shumë prova për këtë në Dhiatën e Re të Biblës. Megjithatë, ne e dimë që jo çdo kalendar është njësoj. Amen! Le të vazhdojmë ta mbajmë ditën e dielë të shenjtë për Perëndinë me lutje, me këngë adhurimi, me predikimin e Biblës, me vajtjen në kishë. Amen!