Ezekiel 16:49

“Ja, kjo ishte ligësia e motrës sate Sodom, krenaria, ngopja me bukë, dhe përtacia me bollëk ishin në të dhe në vajzat e saj, as nuk e forconte dorën e të varfërve dhe të nevojtarëve.”
-Ezekiel 16:49

     Sodom, qyteti i famshëm i lashtësisë. Ne e shikojmë atë si një humnerë e thellë, e errët dhe plot mëkat, dhe nuk duam asnjë lidhje me të. Sodom dhe Gomorrah ishin dy qytete që u shkatërruan prej Perëndisë për shak të ligësisë së madhe të tyre. Ne priremi të mendojmë se mëkatet e Sodomit nuk do shfaqen kurrë te ne. “Kurrë nuk do shkoj kaq larg”, thotë budallai. Cili ishte mëkati i Sodomit? Patjetër, ne dëgjojmë për sodominë. Ky është mëkati i dashurisë jo të natyrshme midis dy burrave, ose dy grave. Ndoshta sodomia ishte një nga mëkatet e sipërfaqshme, por këtu profeti Ezikiel i thotë Izraelit cilat ishin baza ose rrënja e mëkateve, pikërisht, “…krenaria, ngopja me bukë, dhe përtacia me bollëk…”. Ne e dimë nga libri i Fjalëve të Urta, kapitulli 6, se Perëndia e urren fytyrën krenare. Po, krenaria është mëkat! Krenaria, thjesht, është kur ti mendon shumë për veten tënde. Ne, gjithashtu, shikojmë që ngopja me bukë ishte pjesë e problemit. Ata ishin ngopur dhe nuk u mungonte ndonjë gjë. Asnjë nevojë! S’kishin nevojë për Zotin! S'kishin nevojë për njëri-tjetrin! Së fundi, ata ishin përtacë të mëdhenj. Nuk bënin ndonjë gjë. Ansnjë vizion! Përzierja e këtyre tre mëkateve, plus mospërfillje për të varfërit, ishte ilaçi vdekjeprurës për shkatërrimin e Sodomit me zjarr. A nuk ju duken të njohura këto mëkate? Po! Ne i shikojmë këto në kombin tonë, por së pari rregulloni zemrën tuaj, pastaj rregulloni shtëpinë tuaj. Si mund të shpresoni të ndreqni të tjerët nëse ju ende jeni të mbytur në mëkat?