Gjoni 20:29

“Jezusi i thotë atij: Toma, për shkak se ti më ke parë mua, ti ke besuar; të bekuar janë ata që nuk kanë parë dhe prapë kanë besuar.”
- Gjoni 20:29

     Jezusi këtu po flet me dishepullin më dyshues. Jezusi u ringjall prej së vdekurish dhe pastaj iu shfaq dishepujve të Tij në një dhomë të mbyllur. Thomai (Toma) nuk ishte atje. Jezusi iku, dhe pastaj kur erdhi Thomai, dishepujt e tjerë me gëzim i thanë: “Ne kemi parë Zotin.” Thomai u tha: “Vetëm nëse unë shikoj…unë nuk do të besoj.” Jezusi u ringjall, por Thomai nuk besoi. Më pas Jezusi iu shfaq atij dhe Thomai besoi vetëm sepse e pa Jezusin të gjallë. Jezusi i tha atij: “…të bekuar janë ata që nuk kanë parë dhe prapë kanë besuar.” Këtu, unë mendoj që Jezusi flet për ne. Asnjë nga ne, nuk e kemi parë Jezusin fizikisht, por prapë ne i besojmë. Ne nuk e pamë Jezusin në kryq. Ne nuk e kemi parë Jezusin para ose pas ringjalljes së Tij, por prapë i besojmë. Jezusi tha që ne jemi të bekuar për shkak të besimit! Jezusi vlerëson faktin që ne besojmë edhe kur nuk e kemi parë Atë. Unë nuk e kam parë Jezusin me këta sy mishor, por mund të them që e kam parë Atë me sytë e zemrës, me sytë e besimit me ndihmën e Fjalës së Perëndisë dhe Frymës së Shenjtë. Lavdi Zotit që ne gjithashtu mund t’i shohim gjurmët e gishtave të Tij kudo, sepse bota është krijimi i Tij dhe ne jemi puna e dorës së Tij. Amin!