Kolosianëve 3:23

“Dhe çfarëdo që ju bëni, bëjeni atë me zemër, si për Zotin, dhe jo për njerëzit;”
- Kolosianëve 3:23

     Ky është një varg shumë i vlefshëm për çdo pjesë të jetës sonë. “…çfarëdo që ju bëni, bëjeni atë me zemër, si për Zotin, dhe jo për njerëzit…”. Unë shikoj këtu në fillim që Perëndia do që ne të bëjmë çdo gjë me zemër; që ne të jemi besnikë, të sinqertë, njerëz punëtorë. Ne duhet të jemi kështu në shkollë, në punë, në shtëpi, kudo që të jemi dhe në çfarëdo që bëjmë. Njerëzit e dinë që ne të gjithë shkojmë në kishë dhe që jemi të krishterë. Nëse ata pastaj na shikojnë duke u sjellur, ose duke jetuar në një mënyrë të turpshme, ne po u japim atyre mundësi ta blasfemojnë kishën dhe punën e Perëndisë. Le të bëjmë çdo gjë për lavdinë e Zotit, jo për njerëzit. Le të bëjmë mirë në shkollë, në punë, në shtëpi, në kishë, sepse ne jemi të krishterë. Ne punojmë mirë jo për t’i kënaqur njerëzit, sepse nganjëherë ata na acarojnë, por ne e bëjmë këtë për Perëndinë. Vargu që po mësojmë përmendsh në tetor është Proverbat 15:3, ku Bibla thotë: “Sytë e ZOTIT janë në çdo vend, duke vështruar të këqinj dhe të mirë.” Zoti na shikon edhe kur njerëzit nuk mundin. Le të bëjmë mirë, le të bëjmë çdo gjë me zemër që ta kënaqim Atë. Ne kemi një thënie në anglisht që thotë: “Çdo gjë që ia vlen të bëhet, ia vlen të bëhet mirë.” Ditën e mirë! Zoti ju bekoftë!