Luka 6:39

“Dhe ai u tha atyre një shëmbëlltyrë, A mundet i verbri të udhëdhëheqë të verbrin? a nuk do të bien që të dy në hendek?”
-Luka 6:39

     Kjo po ndodh shumë shpesh në botën sot. Të verbrit po udhëheqin të verbrit. Ndoshta ju do të më pyesni, “Pastor, kush është i verbër?” Të verbër janë ata që nuk kuptojnë kush është Jezusi me të vërtetë. Nëse ata nuk kuptojnë Jezusin, atëherë ata nuk e kuptojnë planin e Zotit për njerëzimin. Nëse ata nuk e kuptojnë planin e Perëndisë, ata nuk e njohin Krijuesin tonë, ata nuk e kuptojnë arsyen e jetës. Nëse dikush nuk e njeh Jezusin, ai ose ajo është i verbër. Kini kujdes kur admironi shumicën e intelektualëve, dijetarëve, oratorëve, shkencëtarëve, etj., sepse nëse ata nuk kanë një marrëdhënie vetjake me Jezusin, ata janë të verbër. Ne DUHET të kuptojmë që ata janë të verbër për shkak se e refuzojnë diturinë e Zotit. Nëse ne nuk marrim parasysh Jezusin, ne nuk marrim parasysh hyrjen e vërtetë në mençuri dhe në kuptim. Perëndia është Krijuesi i gjithçkaje. Njeriu është i humbur në mëkat. Jezusi është Shpëtuesi për të gjithë ata që besojnë. Te libri i Fjalëve të Urta, Bibla thotë këtë, “Frika ndaj Zotit është fillimi i mençurisë”. Nëse dikush është me të vërtetë i mençur, ai duhet ta njohë Perëndinë.