Proverbat 12:17

“Ai që flet të vërtetën tregon drejtësi; por dëshmitari i rremë mashtrim.”
-Proverbat 12:17

​     Për mua, është diçka e mrekullueshme të dëgjoj dikë kur predikon Fjalën e Perëndisë. Domethënë, kur dikush e predikon atë në të vërtetë. Ka shumë mashtrues te podiumet e kishave e sotme. Edhe kur një predikues më vërteton prej Biblës që unë jam një mëkatar i madh, unë e pranoj këtë si lajm të bukur, sepse kur unë shikoj mëkatin tim dhe gabimet e mia atëherë mund të kuptoj se si të pendohem dhe të kërkoj falje. E vërteta është diçka e bukur! Një shkrues më kujtoi diçka që Jezusi tha për veten e Tij te Gjoni 14. Ai tha: “Unë jam rruga, e vërteta, dhe jeta…” Jezusi është E VËRTETA! Nëse ju doni të flisni të vërtetën, flisni për Jezusin. Ai është e Vërteta. Perëndia na e ka dhënë dhuratën e të folurit. Ne mund të komunikojmë me njëri-tjetrin. Çfarë turpi bëjmë nëse ne fshihem atë gjënë që mund t’i shpëtojë shpirtrat e fqinjëve tanë! Çfarë turpi nëse ne flasim për gjithçka tjetër, sportin; polotikën; motin; etj; dhe nuk e përmendim Jezusin kurrë! Zoti na ndihmoftë! Gjithashtu, ne mësojmë këtu që ne duhet të jemi njerëzit të ndershëm, jo mashtrues, jo gënjeshtar. Disa thonë një gënjeshtër për të fshehur të vërtetën, disa të tjerë thonë një të vërtetë për të fshehur gënjeshtrën, të dyja synojnë të mashtrojnë.