Psalmi 119:10

Mos i shërbeni Perëndisë me gjysmë zemre #2

“Unë të kërkoj ty me gjithë zemër; O mos më lër të largohem nga urdhërimet e tua.”
-Psalmi 119:10

     A është kjo dëshmia juaj sot? Po, ka shumë gjëra në botë që tërheqin vëmendjen tonë, dhe herë-herë, këtij trupi tokësor, mund t’i duket e vështirë të kërkojë Perëndinë. Ndoshta ju jeni të lodhur, ose ndoshta keni shumë gjëra të tjera për të bërë, por, që ne ta kërkojmë Perëndinë besnikërisht, na duhet të ndryshojmë zakonet tona të përditshme. Çfarë do të thotë kjo? Për shembull: Unë pashë një gjyshe me mbesën duke ecur buzë detit, herët në mëngjes. Gjyshja po i mësonte shoqërueses së saj të shëndoshë disa ushtrime për fillimin e ditës. Ajo po i mësonte asaj mënyra të thjeshta se si të ketë një jetë të shëndetshme përmes zakoneve të shëndetshme. Ne duhet të veprojmë njësoj. Kur ne zgjohemi në mëngjes, ne duhet ta kërkojmë Perëndinë. Lutja dhe leximi i Biblës duhet të jenë dy ushtrime normale për çdo besimtar në mëngjes. Ne duhet ta bëjmë zakon kërkimin e Zotit me gjithë zemër. Nëse, duke vepruar kështu, ne shkatërrojmë disa nga traditat tona të vjetra, atëherë, ata u shkatërruan me arsye të mirë. Të kërkosh Perëndinë do të thotë të dëshirohemi shumë për Atë. Do të thotë ta lexojmë Fjalën e Tij (Biblën) me një shpresë që t’i kuptojmë më mirë rrugët e Tij. Do të thotë të lutesh dhe ta lejosh Atë të të ndihmojë. Do të thotë, t’i kërkosh këshillime Atij, për çdo vendim të jetës. A po e bëni zakon ta kërkoni Perëndinë përditë?