Psalmi 1:3, pjesa e parë

“Dhe ai do të jetë si një pemë e mbjellur pranë lumenjve të ujit, që e japin frutin e tij në stinën e vet; gjethja e tij nuk do të fishket; dhe çfarëdo që ai bën do të lulëzojë.”
-Psalmi 1:3

     Kush është ky njeri që merr bekimet e Perëndisë? Ai është njeriu që e urren mëkatin. Ai është njeriu që nuk ecën në rrugën e mëkatarëve dhe nuk merr pjesë në festat e tyre. Ai është njeriu që e do Biblën. Ai i lexon dhe i studion Fjalët e Perëndisë çdo ditë. Natë e ditë, ai mendon thellë mbi Shkrimet e Shenjta. Bibla thotë se ky njeri do të jetë si një pemë e mbjellur pranë ujit, dhe ai do të japë fruta në kohën e duhur. Sot, ne do të vërejmë frazën e thjeshtë që thotë, “…gjethja e tij nuk do të fishket…”. Le të flasim për këto gjethe dhe çfarë paraqesin ato në jetën tonë nëse e duam Zotin. Në përgjithësi, gjethet janë të gjelbra. Ngjyra e gjelbër paraqet “rritje”. Ne, të Krishterët, duhet të rritemi në Krishtin. Besimi ynë duhet të forcohet. Njohuria jonë për Perëndinë duhet të jetë më e thellë. Dashuria jonë për Krishtin dhe kishën e Tij duhet të jetë më e madhe se sa ishte në fillim. Nëse ju jeni rilindur përmes besimit te Jezusi, rrituni në Krishtin!